ابنشد اللي للمعاني يعرفون

ورع مع اخته دوم متلازمينا

ياكل من اخته وافهمو لا تضيعون

وتنقص وهو بالعكس يصبح بدينا

يا مرحبا بك عدّ ما هلّت مزون

وانا على نظم القوافي فطينا

والحل مغزل، ما بها شكّ وظنون

هذا جواب اللغز والله يعينا

يا مرحبا في صفحة تترك الدون

تنشر عوالي القول في كل حينا

والحل جبته باذن من يملك الكون

تراه مغزل نذكره من سنينا

صفحة تراث اللي بها ابداع وفنون

نفخر بها والشكر لازم علينا

نشكر بها اللي للثنا يستحقون

أبوحمد واللي معه مخلصينا

من بعد ذا والحل للغز مضمون

مغزل نعرفه من قديم السنينا

حي (التراث) وحي ناس يحفظون

تراثنا اللي ضايع من يدينا

هبت رياح للحضارات وفنون

منها تغربلنا وفيها ابتلينا

جتنا المصانع وانهت اللي يغزلون

(والمغزل) أصبح من تراث السنينا

يا جعل عز المملكة قرن وقرون

وانا بحل اللغز لو ما يبينا

تراه مغزل تغزله زينة اللون

نبغى الجواب ومير هو ما يبينا

البادية وتراثها فن وفنون

لغزك يوضح فعلهم باليدينا

تراثها ما ينّسي وانت ما تهون

المغزل وتغزالته من سنينا

الفكرة اللي كلها إبداع وشجون

لو عاقها طول المدى ما رضينا

نحثها ترحل مع اللي يمدون

وتاخذ بنا لماضي قديم السنينا

حتى بها نبحث خفا كل مكنون

وبسيرة المغزل نجر الحنينا

ما أحلى الكلام اللي مرتب وموزون

ويكمل حلاه بذكر ماضي السنينا

لغز ظهر والحل (مغزل) ومضمون

وشاركت به من جملة العارفينا

يا الربع طيعوني ولا تستعجلون

الصبر مفتاح الفرج كل حينا

وش عاد لو صارت مثل ما تشوفون

ابوحمد رجل فهيم فطينا

اهل الوفا بالضيف الى اقبل يهلون

والصوف والمغزل غدا له سنينا

يا مرحبا باللي نظم قاف موزون

وعاداتكم يا الطيب متمثلينا

مغزل براس المغزلة دوم مقرون

واللغز للعراف دايم يبينا

حي الكلام اللي عن النقص مصيون

من شاعر معناه دايم سمينا

والورع مغزل واخته اللي يغزلون

مغزل وغزلة مهنة الغازلينا

لغزك عرفته وأنت تدري ويدرون

المغزل اللي نبرمه باليدينا

ياخذ من الصوفة بخيط يبرمون

والحل جبته يالشجاع الذهينا

سلام يا ناصر وحييت مليون

من صاحب يغليك في كل حينا

الحل هو مغزل وانا اقول مضمون

تغزالته جنبه ومتوالفينا

يالله يالمعبود يا مكون الكون

يا والي الاقدار,, تستر علينا

يامعطي الإنسان,, تفكير وعيون

يالله على درب الصواب تهدينا

قريت لغز وجبت له حل مضمون

(المغزلة) ما تبلش الفاهمينا

اقبل تحية عد ناسٍ يصلون

ياناصر,, اللي بالحزم,, ساكنينا

واللغز حله يا فتى الجود مضمون

(تغزالة) ما تجهل العارفينا

يا شاعر الالغاز,, شرواك ما يهون

كتبت لغز فالمعاني ثمينا

وأنا أبجيب الحل,, والحل مامون

عن الخطأ,, يا مواجه العارفينا

مغزل وتغزاله,, ومهما تقولون

مافيه غيره,, والمغطى يبينا

بالفاكس والا عن طريق التلفون

نرسل جواب اللغز للطيبينا

واخذ الاجابة مابها شك وظنون

مغزل وتغزاله,, بماض السنينا

تراثنا عند الحشيمين مصيون

دامه موثق عندهم ما علينا

واهل الجزيرة في بروزه يحرصون

لوقفاتهم يا هل الوفا مانسينا

ذكرني (المغزل) هل الطرش وضعون

وذيك العدود اللي عليها القطينا

يا هل الوفأ والعرف والطيب تكفون

شدوا على موروثنا ياليدينا

أنتم هل الوقفات والكل يدرون

وقافتكم في كل يوم تبينا

موروث جدان لهم ذكر مصيون

لا يطمسنه لاحقات السنينا

وبياعت بيوت الشعر لي يقولون

تبدل (المغزل) بشغل المكينا

ياللي كتبت اللغز للي يحلون

يا شاعرا بالجزل دايم يجينا

اللغز يا ناصر بمعناه مضمون

المغزل وتغزالته واضحينا

ناصر يريد الحل والحل مضمون

المغزل وتغزالته يا ذهينا

وبيت الشعر منصوب والناس يدرون

ولولاه ما صار البدو ساكنينا

يا مرحبا تعداد ناس يصلون

بالصاحب اللي جاب لغز ثمينا

مغزل وتغزاله بلا شك وظنون

هذا جوابه يا طويل اليمينا

والله مابه شيء بالكون مضمون

ما نضمن الا الموت حق ويقينا

ولغزك حسب معناه يا فلان بيكون

مغزل وتغزاله وبكرة يبينا

اهلا هلا ما رفرف البرق بمزون

واعداد ما هلت حقوق الغشيناء

اللغز مغزل اللي يغزلون

هذا تراث أجدادنا الأولينا