أنا والنفس دايم في تحدي

أعاندها ولا امشي في هواها

وعن درب الردى رجلي تصدي

لو اني قاصد حاجة وراها

واعرف حدود جيراني وحدي

ولا احب الخطا وادخل حماها

ولا البس حاجة ما هي بقدي

أعز النفس وارفع مستواها

أبي نفسي على العليا تعدي

أعالج علتي واعرف دواها

افك إلها الرسن وأحياناً أشدي

أعرف قياسها واعرف مداها

ولا يبيح لكل الناس سدي

أعرف البير انا واعرف غطاها

صحيح ان العمى يبغى مقدي

وأشوف الناس زادت في عماها

وهذي قصتي والقول جدي

من أولها إلى آخر منتهاها

أنا والنفس دايم في تحدي

عصيت ابليس لين الله هداها