يا دار وين مغيزل العين يادار

اتلى الخبر فيها غشنك نزوله

يا دار ماكنه وقف بك ولا سار

بس المراح وبس درب المحوله

يتلون براق وقع منه,, الامطار

استبرقوه وعسسوا ورحلوا له

يازين حس فرنجهم وقت الاسحار

الصبح طرد,, والمقيل الدحوله

بمشحط نزر ندبها,, الى ثار

ماقيس بالقفلة بالاميه,, تنوله

اقفوا بغطروف على كبده سطار

قفوا من العيطا ليالي,, حلوله

العين عين مشقلب الحرب لاطار

حر سرى ويله تعدى حجوله

حر عديم مخلبه تقل شنكار

متفهق الجنحان عرضه وطوله

يالله يا قاضي غرض كل منيوب

عليك انا يا المعتلي قضي نوبي

يالله يا جامع برد كل حالوب

تلمنا يا اللي,, تلم الذهوبي

كن الزباد بمنحر الترف مكبوب

الى ابتسم عن ذبل تقل روبي

الراس ذيل كروش والا ام عرقوب

صفرا نهار الكون فوقه نصوبي

عنود خمسمية وخمسين جندوب

طرادها جا من وراها,, يكوبي

لا لا يعوها تاحرت راس عرقوب

اقفت ولقتهم نشيط الهبوبي

لا باس لو هو يرهم الثوب للثوب

لاشك ما ثوب الغضي مثل ثوبي

ادري واخاف منقده كل عذروب

المنتحين اللي بكبد الجنوبي

لو كنت انا عنهم ورا الشط بالصوب

متولع فيهم ولو ما شقوا بي!