هيضتني بالصوت يانايح الورق

ذكرتني ونديت بالقاف طرقا

بالصاحب اللي محرقٍ ضامري حرق

اللي منه روس المعاليق حرقا

عليه عيني تذرف دموعها الزرق

ومحاجري من صبها دوم غرقا

خلٍ بسهمه زارقٍ خافقي زرق

خج الضلوع وحط بالقلب عرقا

ورقتني في عشرةٍ مابها درق

وسرقت قلبي ياريش العين سرقا

بالغرب ونته ناحراً وجهة الشرق

ياليتني مع يمتك رحت شرقا

في بحر حبك يالغضي غارقٍ غرق

حتى بقيت اليوم لا أنزل ولا أرقا