لاتقولين انتهى الحب,,مني ما انتهى

انتي اللي في قرارك تكون نهايته

كل شخص في حياته يدور ما اشتهى

ومن مواقف بعض الاشخاص تعرف غايته

ليه يا فارض شروط المحبة خنتها

وانت فيما فات حبك ترفرف رايته

المودة وردة ناعمة واهملتها

في مهب الريح باقبالته واقفايته

ليت يوم انك تعرف المحبة صنتها

ماسعى فيها عذول الملا بو شايته

او ياليتك لحظة الياس ما قيمتها

ما رخص ميزانها عقب رخص عنايته

المحبة والوفا توم كيف ابعدتها

الوفا اللي تقتله ما عرفت جنايته؟

الصداقة غالية وانت ليه ارخصتها

لا تطيح اللي مشى بيننا بسعايته

الاكيد ان سيرتي بالغلا ما اخلفتها

مخلص لك كود حسناه تغلب سايته