هجرتك من كثر حبك تصدق مت من فرقاك

وأنا والله يتعبني حبيبي بعدك وقربك

تحسب أني مجرد ما أنقطع عن شوفتك أنساك

وأنا لو صرت عندك ياحبيب الروح أفكر بك

فداك القلب يامزود بدقاته إذا يسلاك

حبيبي لو زعلت من الغلا وشلون أفسر بك

كأنه مابقى في هاالحياة إلا أنا وياك

أنا وشلون أقاوم وحدتي من دون ماظفر بك

ياليتك تعرف اللي من غلاك أغلاك ثم اغلاك

يحملك الخطا من كثر حبك ثم يغدر بك

تحملني عيوني وحشتك في رمشها الفتاك

يا كيف الوم نظرات العيون اللي تعتز بك

كتبت أول قصيدة للنشر ماتنشر لولاك

عبرت من الشعور أطول شعور وجيت أعبر بك