على مر السنين وهمي المكبوت والذكرى
وعلى ذكرى الغرام ألملم اوراقي وابعثرها
واقول اللي جرح هاك الخفوق بما يصير ادرى
وانا اللي يبحث حلول القضيه وهو خابرها
وانا اللي حاول وحاول يريد الحل مير ازرى
وانا اللي به غريزة حب عاشت مايغيرها
وانا اللي ساهر ليل الهواء مايطري المسرى
واعبر عن مشاعر تنطلق من قلب شاعرها
ارتجمها واحللها وادوّن قصتي واقرى
على ذكرى وذكرى الحب طول الوقت نذكرها
حبيبي والجروح اللي بوسط القلب ماتبرى
تصدق صارت الدعوى قضية لكن اقصرها
تكفي طعنتين بوسط قلبي سدت المجرى
وبعض المترفات ليا غلطت ماني بعاذرها
ابي ادمح غلطة الطيب ولكن غلطته عجرى
واحاول قدر مااقدر والقضية مانكبرها
دخيلك عالج اللي علته ضاقت بها الصحرى
جروحي طبها بيديك تكفى لا تعذرها
حبيبي كم لقيتك بالخيال بليلة غدرى
وانا سهران في حالة حزينة ماتصورها
سهر بليلةٍ كئيبةٍ وادوّر البشرى
وابيّن لك جروحي طالما انك صرت حاضرها
وبالتالي تصير حلوم ليل بليلة غبرى
واردّ الملم اوراقي على كفي وابعثرها
