لا تسألوني شابت الروح واقفيت

طال السؤال وراح عمر الإجابة

مر الزمان العذب وان عاد ولّيت

مهما جذبنا الحب صرنا نهابه

راحت سنين العمر مليت ياليت

لاقلتهازاد الألم والكآبه

غاب الغرام وغبت وإن جيت عزّيت

كل العيون اللي سعت في غيابه

دوك الجروح اللي مضت واللي ابقيت

بعض المشاعر والقلم والكتابة

يا جرحي اللي لاحضر فيه هليت

اللي وفا وإن جار نهوى عذابه

لا تنثرون الملح بالخافق الميت

اللي توجع ذاب محد درابه

بيدي رقيت الصعب بيدي تهاويت

ماهي غريبة يا زمان الغرابه!

فرقي عن الباقين اعطيت وارهيت

أحلى سنين العمر واجمل شبابه