واهني اللي إلى صار يبغا النوم نام
سالمٍ من لوعة الحب وهموم الشقا
مايفكر كود بالنوم وظروف الدوام
وباقي الفرصة زيارات بعض الاصدقاء
يوم حالي من هوى الزين طاويه الهيام
غايب عني وأنا أعيش في رجوى اللقاء
صابرلي عام كامل وهذانص عام
وش بقى ياسود الأيام بالله وش بقا
غاب عني صاحبي وارمست عنه العلام
الهقاوي فيه زينة ولا أدري وش هقا
أظلمت دنياي من غيبته بدر التمام
ماليقته عكس من قال من دور لقا
طال صبري وانتهى والهواوي مايلام
خص حبٍ مثل حبي على وضحا النقا
ودي ارسل له مع الريح مردود السلام
وأشرح اسراراً حواها ضميرٍ مغلقا
مادري غيره عن اللي يكن من الغرام
ماعطيت أسرار حبه مباري ورفقا
والهوى عند المشاكيل هيبة واحترام
ماينقص مستوى من على العليا رقا
ياعيون اللي إلى تل مسباقه وحام
أخمرن عنه الحباري ولاذن
من لمسها مخلبه طايره راحت عدام
وإن نزل للواقعه مالها دونه وقا
مدخلك بالواحد اللي خيله مايضام
أعتقيني كان للحب يابنت أعتقا
