يا شاكي فرقا الخليل الموادع

ذكرتني أيام راحت جميلة

لاما حبيبي والصبا والمرابع

والجو صافي والنسايم عليله

ليتك سكت وما نبشت المواجع

واجريت دمع اللي غدا به خليله

لاشك عقبه مستهيم وضايع

ما غير ابدع لحن همي واشيله

وان جيت بسلا ما الحشا لي بطايع

يا كيف يسلا من زهى وسط جيله

يا خوي نصبر لختلاف الوقايع

والدهر وان شفناه جوره وميله

من يملك العزم القوي والدوافع

يذوب صخر الياس من قو حيله