كنت أرتجي وصلك وكنت أفرح القاك

وكنت ابحياتك كل شي تبينه

امشي بطوعك وارتجي منك ارضاك

معطيك عمري مرخص لك سنينه

مع حسن نيه جاهل في نواياك

امشي ولا ادري وش معي تقصدينه

اهديك ورد وتزرع ابدربي اشواك

كنت اعتقد بذر الغلا تزرعينه

حتى استدار الوقت في دور الافلاك

وبين خفاك اللي علي تلعبينه

مكبر طعون القلب ومكبر خطاياك

غريب والله من يحبك تهينه

شيمة غدر شيمة خيانة سواياك

اصل الوفا من شيمتك تطعنينه

من دون رجعة ببتعد عنك وانساك

ونسي حبيب راح لاتذكرينه