الله يسعد صباحك يالسعودية
ارض الشرف والكرم والطيب مسعاها
أنتي لنا بيت ماجوه الحراميه
مصيونة العرض من نجد إلى أقصاها
حره عفيفه عن الفساق ماليه
الله عن الشرك والأدناس عذاها
لو طفت بلدان شرقيه وغربيه
ما مثلها بساير الأوطان ناراها
أرضاً بها الطيب والنخوه سعوديه
مرحوم من هو بهذا الاسم سماها
أرضاً عن السلب والأوباش محميه
يوم أن بعض البشر نشاهد اشلاها
ارضاً بها البيت ورسالة سماويه
ومسجد رسول الهدى موجود بحماها
أرضاً بها عزنا وأموال مرعيه
بيدين امينه بعين العدل ترعاها
أرضاً على العز والإسلام مبنيه
يعيش منهو حماها وعزز بناها
فهد ملكنا حماه الله عن السيه
مواقفه ماهقيت الكل ينساها
لنا كما الغيث من رعاد وسميه
وعلى المعادي سيوف الشرع مشاها
ياجاهلاً بارضنا زور السعوديه
تقنع ولا لك بقول الحقد واعداها
حقوق الإنسان محفوظه عن الليه
بالشرع واحكام ربي ما نتعداها
يا اللي تقولوا حقوق الناس وش هيه
عبر الوسايل نشاهدها ونقراها
قالوا لدينا حقوق الناس حريه
مثل الذي كحل العينين واعماها
حرية ياهل الالباب ملويه
الخزي والعار طول الوقت يبراها
سلباً وقتلاً وفيها اللحمه النيه
والكاسيه عاريه بالسوق تلقاها
وحنا لنا المجد والاحكام شرعية
والله ما ينظلم من لاذ ببناها
من يوم وحد بلدنا حامي الهيه
على الشريعة ملوكا ترسم خطاها
حماهم الله في الروحات والجيه
ملوكنا اللي رضينا والله أعطاها
وختامها دارنا بالعدل ممليه
الله عن الشر والاشرار يحماها
