أجمع حروفي للبطل واكتبه زين
وعسى حروفي تستحق الكتابة
في هالزعيم اللي رجاله مضحين
أفعالهم بالجود كله تشابه
إبكاس فيصل قالوا حنا اللي بادين
كأس الشهيد اللي بكينا ذهابه
وكأس المؤسس قدمه خادم البيتين
ذكرى البطل عبدالعزيز ابتدى به
وكاس آسيا خذوه بغير روتين
كثر الذهب جاب الملل والرتابه
وكاسك يا أبو متعب نشيله باليدين
بيدين بندر حلو الذهب اعتلى به
ومن ورى بندر رجالٍ وفيين
وقت الشدايد كلٍ يولّم زهابه
وجه السعد ونواف ليت لهم كأسين
يزهى به الأزرق ويضمّها لحسابه
وابن سعيد اللي يأسس من سنين
قايد زعيم الفن فاتح أبوابه
وهذا وليد العز دعمه ملايين
خلا النوادي من محَلها خصابه
وأخوه خالد هو ذراع له يمين
يشرف على النادي ويتابع ألعابه
والنجل خالد فرحته تبهج العين
وهذلول قايد مايخيب الرجاءبه
وفيصل بن سلطان باني الموازين
ويعيش تركي شاف جاسم وجابه
وسلطان ونواف على الدرب ماشين
عزٍ وجاه طيبين النسابه
من أبو مساعد نبي لنا بسّ بيتين
يشٍدّ فيها عزمهم لاشدى به
جيل النعيمة والمصيبيح وحسين
نجوم الذهب يوم الملاعب ترابه
يوسف وسامي للمواهب براهين
عاش النمر ويعيش ذيب الذيابه
وهذا الدعيع حارس العام الفين
ولطف وشريدة قويين المجابه
وأحمد خليل والغايب أبو ثنين
ونواف والدوخي نجوم عجابه
شلهوب ويا الغامدي خذوا صكين
للمنتخب تلقاهم وقت الصعابه
وجمعان ياللي شوتته تجلب البين
وخميس فذٍ كل فن زهابه
وسيرجيو مع كورته فن وتلحين
هو قال قف مي صوبه ثم جابه
وفن المدرب خطه وزود تقنين
ومن كثر من العسل زاد التهابه
وباقي لعيبتنا تراهم موفين
هم جاعلين الموج فوق السحابه
