استعيذ الله منها صدفة جابتك يمي
والله اني من بعدها عشت في عالم غريب
يوم أقول اني هويتك ويوم أقول ازداد همي
ذيك حالاتي وطبيعي ما لقى قلبي مجيب
من لمحتك والليالي بعدها تشرب بدمي
وانته ابعد من أنوله والنظر جرحه عطيب
ما أقول اهواك واكذب لو أعافك وانت سمي
ولا ابي قربك ولكن يا حسافة يا النصيب
هو خيال انك قبالي والعرب بكم وصمي
محدٍ اقبل يحتميني والسحر أمره عجيب
انعقد منك لساني وصرت اعض اطراف كمي
لعنبوها كيف يقدر شوفها يشعل لهيب
لا ابعدت ودي تفارق لا اقربت لابد اسمي
خايف نظرات عيني تحسد القد الرهيب
ولو يطول البعد عني بالبعد يزداد غمي
حالتي حالة غريبة يا عرب شوفوا طبيب
