ذبل غصن الخفوق وجيت ابنظم بالقصيد عقود

وانا ادري مستحيل ان القصيد يداوي اجراحه

ذبل معنى القصيد وجيت ادور بعضه المفقود

وانا ادري لو يجي كله كذا ما ني بمرتاحه

انا جيتك واعرف انه عقب نسل الفهود فهود

واعرف انك حكيم يوم كل حكمه اسلاحه

ولا جيت اطلب الشهره وكسر للحدود حدود

ولا قصدي أنافس شاعرات بداخل الساحه

انا جيت اكتب اشعاري من جروح سطت يا سعود

بوسط الخافق اللي للاسف معروف ذباحه

ذبحني لا فضحني ما يهمه عيب ومنقود

تركني ما رحمني في ظلام ترهب اشباحه

ظلمني صاحبي وابعد وحبه بالحشا موجود

طعني بالظهر لكن بقلبي صابت ارماحه

وعدني بالوفاء لكن حبيبي ما وفا بوعود

تركني ما سأل حتى عن اللي تنزف اجراحه