ان جيتهم بارخص ثمن بيعوني

وان غبت غابت شمسكم بها الكون

باسرافكم جهالكم عذبوني

متى ضمايركم تحرك وتاعون

واللغز واضح كان صابت ظنوني

مذكور بالقرآن والناس يقرون

هذا هو الماء كانكم تنشدوني

وترشيد باستهلاك يلي تعرفون

سلام ياللي جر عذب اللحوني

عبر التراث اللي له الناس يقرون

الماء تراه الحل مابه ظنوني

أغلى من الألماس لو كان يدرون

اللغز واضح للذي يفهموني

واللي لهم عقلا مفكِّر وموزون

الماء جوابه والملا يعرفوني

إسرافنا به وضعنا ما هو مأمون

الماء شكا من ناس له يجهلوني

ويقول بالاسراف ماضن يدرون

ولغبت عنهم كلهم يشتكوني

وليا حضرت بسرافهم يستمرون

لغزك ترسم في محاجر عيوني

وملزوم كل الناس للوعي يدرون

اسرافهم للمي شي جنوني

اكيد لوه غاب للجد ياعون

يا ثقل بعض الناس مايشكروني

والفضل للي يعلم الكاف والنون

نصحت فيهم كيف ماطاوعوني

والماء أمانه علكم بس تصحون

ياناس ياللي طبعكم تسرفوني

خفوا من الاسراف في الماء على الهون

هذي نصيحة جعلكم تسلموني

اقولها والقول واضح ومضمون

يا مرحبا أعداد وبل المزوني

بك يا ثقل واللغز تسعين مليون

اللغز واضح للذي يفهموني

لغزك تراه الماء بلاشك وظنون

هذي الجزيرة قدرها بالعيوني

اهلا هلا باللغز واللي يحلون

يا ثقل لغزك غاليا ما يهوني

والماء نشربه والجهاله يسرفون

ثقل تمثل في جزيل اللحوني

وميدته العالم شريعة وقانون

الواجب ان الناس ما يسرفوني

والله يجازي من للاسراف يسعون

يابن الرجال الطيبة ماتهوني

واللي سواتك يابيض الوجه مايهون

حليت لغزك,, ياثقل,, واسمعوني

الماء جوابه يافتى الجود مضمون

ما فيه مشكل والمقدر يكوني

العالم اللي كوّن الخلق والكون

منشي جليل الملك غرّ المزوني

والماء نزل بأمره مقدر وموزون

واللي تشوفونه تشوفه عيوني

واليوم ياهل المعرفة وش تقولون

الماء ليا جاء من صدوق المزوني

مابه كلور وثاني اكسيد كربون

يا مرحبا ياهل الشعر والفنوني

ترحيبة البدوان لاشافت مزون

اللغز واضح ياملا واسمعوني

الماء تراه الحل وانتم تعرفون

أهل التراث بشعرهم ولّعوني

وانا مداوم مع هل اللغز ممنون

قال المواطن حيثهم نبّهوني

قمت اتوقع واصرف المي بالهون

امعنّين قلبي وهيّض اشجوني

بعدي عن اديار بها صرت مفتون

ماها قراحٍ مثل وبل المزوني

نجد العزيزة عزّها خالق الكون

باللغز يا هل العرف تصدق ظنوني

لصار محكم بالمعاني وموزون

اصدق من الماء من صدوق المزوني

فوق الربيع يهل وانتم تشوفون

ماجور يلي بلغزكم تضحوني

تبذير واسراف عساهم يكفون

حياة كل الحي من الماء تكوني

مذكورةٍ في الانبياء أقروا وتلقون

الماء,, جواب لغزكم واسمعوني

هذا جواب اللغز ياللي تسالون

أكبر,, خطاء فيه البشر يسرقوني

منه الحياه لكل من عاش بالكون

أنا عنيت وجيت ما قدروني

ون غبت عنهم ساعة ما يعيشون

انا تراي الما وهم خصوني

عن قيمتي بعض العرب ما يعرفون

يا مرحبا والصعب دائم يهوني

عند الرجال اللي لها افكار وعيون

اللغز واضح للذي يفهموني

والخير والنعمة لها فضل ممنون

يا مرحبا يالي بدعت الحوني

عدّدت حجيج البيت واللي يطوفون

الحل واضح عند مثلي يهوني

حله تراه (الماء) يلي تضيعون

ما قدر المولى لعبده يكوني

الرزق عنده للمخاليق مضمون

الماء ترى ثروه ولا تسرفوني

وأنتم تعرفون الحقايق وتدرون

أنت الحياة وروحنا والعيوني

بالماء علامك تشتكي وأنت معيون

جهّالنا باسماعهم يسمعوني

حنا سمعنا باقي الناس يوحون

ياهل الوفا والعرف لا تتركوني

أبي جواب عاجلٍ لا تونون

اقول انا الماء وافهموا واحفظوني

ياما من اجلي ناسٍ اليوم يبكون

حييت يا شاعر يجر اللحوني

اعداد ما غنَّت حمامه على غصون

حذراكم بالما ياعرب تسرفوني

حتى يدوم الخير وانتم تدومون

يا مرحبا بك عدِّ رش المزوني

واعداد ناسٍ بالمساجد يصلون

اللغز حله بيّنٍ واسمعوني

ما يسرف الما غير رجلٍ به جنون

ياهل التراث افكاركم فطنوني

في حفظ ثروتنا وغيري كثيرون

اللي تجيبه رائحات المزوني

وغير البحر تجري به انهار وعيون

يا الله يامعبود يا خير عوني

يا واحد عينك رقيبه على الكون

تسقي عبادك من غشين المزوني

عبادك اللي في رجاك يتحرون

لولا شراب (الماء) تموت الغصوني

والآدمي واللي على الأرض يمشون

ياهل التراث اللغز مَاشِي بدوني

لكن أبسعى مثل ما الناس يسعون

لحظة قريب اللغز كثرة ظنوني

والظاهر الماء ياعرب وش تقولون

ياربع ياللي للوطن تخلصوني

قوموا عليهم واطلبوا ربنا العون

ياكودهم للهدر ذا يوقفوني

ثروة وطنا (ماه) ياللي تعرفون

لا تحسب إن الناس مايفهموني

وإل عن اللي قلت ماهم بيدرون

اللي ذكرت الخلق له يشربوني

الماء ومن دونه بلاشك يفنون

يا أهل العقول الواعية اسمعوني

الماء نعمة وانتم ابخص وتدرون

يا للاسف جهالنا يسرفوني

وارشادهم واجب عساهم يدركون

اهل المعاني والحكم هيضوني

وارسلت حل اللغز للي يريدون

الماء بلياه البشر يهلكوني

لولاه ما كانوا على الأرض يمشون

يا أهل الجزيرة وقفوا واسمعوني

خذوا حلول اللغز تكفون تكفون

الماء بوسط البير له ياردوني

وان غاب من ادياركم يبسة اشنون