الصمت حكمة ولكن زاد عن حده

لين السؤال اليتيم اغتيل بمهاده

كثر السكون انتصر ما باح لي سده

مات الكلام الغرام وطال بحداده

طوّل سكوته قسى قلبه ومن جده

ما فاد فيه المعاند غير بعناده

قلت: اسأل الطرف رحمه وانجرح خده

لو يرحم الطرف كان الجرح ما زاده

قلت: اسأل العفو يمكن يكسر المده

هو آخر الحل عندي مير ما فاده

يموت بالصمت واللي مات به صده

كثر الكلام انتهى لاشي يا ساده

يا ناس احبه واحبه موت وأوده

صرت اعشق الصمت مثله صار لي عاده

وانا عرفت الذهب بالصمت من قده

لا صار موت الكلام يموت حساده