في عيني اليمنى جيوش وحراسه
وتقرين فاليسرى سوالك وردي
طال الطريق ولا قصر لي مقاسه
حافي قدم ضيعت وشلون اردي
أبعدتني عن صاحبي والوناسه
وافرحت في عداي بيحت سدي
اول زماني ما عرفت التعاسه
واخر زماني دمعتي فوق خدي
اسقاني الوقت المرارة بكاسه
دنياي تاخذ مني ولا تردي
يازين جفني ما هتنا في نعاسه
هجسٍ يقربني وهجسٍ يودي
الله خلق واعطى وخذ من جناسه
دبرت اله الكون ماهو بيدي
تلبس لك الأيام وجه العباسه
تضحك قليل وحزنها مايعدي
يازين وقتي جار ماقوا مراسه
ابني خيال وحلم غفوه وهدي
نصبر ونور الصبح يجلا الغلاسة
يفوز من يصبر وثابر وكدي
وحيد من دونك ولا لي بناسه
مالك في العالم شبيهاً وندي
باشه لك الحق الولا والفراسه
اطعن قفى وقتي يمينك بيدي
