لولا المعنوية والشجاعة تصد جيوش
فتكبي زماني واغبر الوقت واطعونه
اكابر وانا كيي علي نابضي منقوش
بعيد المدى من كتم الاوجاع يا عونه
انا ضامني فلكبد بين الظلوع خدوش
سبب ذكريات بسافي الرمل مدفونه
كبير العشم في مزبنن قايده مدهوش
يبوج الفيافي رحلت الشهم ميمونه
خطيرن يطير الخد دوبه ينوشه نوش
لاكنه شجاعاً حزت الضيق ينخونه
مع المستوى كنه فريدن وراه وحوش
كما مرعبن خفر السواحل يلضونه
يزيح الكدر مع جو عقب المطر مرشوش
فياضن عليها يصدح الطير بلحونه
ذعاذع نسيمه شمها يبري المنعوش
وانا ذكرياتي في روابية مرهونه
جلوسي على رمله سوى قصرة المفروش
هواها يهديني وهمسه على هوانه
سرابه يبدد ضيقت الخاطر المربوش
عليل العذى يضهر عن الصدر مكنونه
اشوف البيوت السمر بين الفلا والبوش
واشوف الرباع امفتقه ما يحجبونه
وريح الحطب فالنار ما ولعت في حوش
وصف الدلال وصقل نجران يدنونه
بدو رجلهم للضيف ما يذبح القرفوش
تعاقب دلال الهيل والكبش يطهونه
كرمهم تراحيباً من قلباً ماهو مغشوش
توارث سلايلهم تليدن ثنو دونه
