عزَّ الله إني معك يالغالي صبرت

صاحبك ماتخفى عليك احكايته

ماتدري اني فيك مغرم وانقهرت

الصبر طال ومعك ويش انهايته

الطف بقلبٍ لو,, تماديت وهجرت

في راحته ما خان فيك اوصايته

ولياك تتمادى وتقول إنك سحرت

عقل المعذب وامتلكت اولايته

باكر إلى قالوا عن الحب اقتصرت

ووشوش لك الواشي وجاب اوشايته

ماتنفعك باقي سنينك لو نطرت

باقي سنين العمر تلحق فايته

ياكم معاك احتج خاطر وانكسرت

لاجل الهوى يبقى وتمسك رايته

مير انت قاسي حيل وانا اللي قدرت

اخفي شعور الضيق وادمج سايته

كم من شهر بعدك حبيبي ما نشرت

قصايدي والشعر حبك اروايته