انت البخيل اللي ملك مال قارون

وانا الفقير الحاتمي في عطايه

معطيك ما املك فيك مغرم ومفتون

سلمت قلبي في غلاك البدايه

واسرفت لك كلي غلافيك مرهون

مال العطا عندي حدود ونهايه

جيتك ولع مشتاق لك فيك مجنون

من زود حبي ياهناي وعنايه

مخلص وسارقني غلاك انت بالهون

عاشق وانا ادري فيك عمري شقايه

اعطي وفا وانت الجفا منك مظمون

عذبتني ياغايتي ياغلايه

خليت قلبٍ مد لك ود مطعون

ارخصت حبي ما حسبت لعطايه