يا فهد ينبيك عن حالي قصيدي

ادري انه لا وصل قافي فهمته

استمع يا مسندي لا يا عضيدي

لا عدمتك عنك علمي ما كتمته

غير خبرك جد لي جرح جديدي

وانت حر بالنوايب لا عدمته

جرح ناداني عنه وشلون احيدي

عن فراقه كل شيطان رجمته

يا فهد لا هو قريب ولا بعيدي

واقع راجيه شرهه ما حلمته

ما ثناني عنه مفهوم تليدي

يا سريت الليل له والاجهمته

للمواجع والشقا حبه رصيدي

من عرفته كل من يشكي رحمته

كل يوم وقيمته عندي تزيدي

كل جرح منه باعماقي لثمته

لين حبه راح يجري مع وريدي

حل بالخفاق ضيف ما عزمته