غزيتني يا زين من دون فرسان

وأسرتني واصبحت بيدك رهيني

أصبحت مثل الطير مكسور جنحان

ويصفق بهن لاشك مامن عويني

وأقبل عليه الموت في هيئة انسان

يضحك وشال الطير بالراحتيني

زود على كسر الجناحين سجان

هم جديد يا عسى الله يعيني

ولا من بغى يبرى تولوه بزران

قاموا يشيلونه وعظمه يليني

الطفل يضحك يحسب الطير فرحان

ما يدري ان الطير قلبه حزيني

لاهان من سماك يا عالي الشان

اسمك وفعلك كلهن مستويني