ابنشد اللي عارف الجزر والمد

عن البحور اللي بعيدٍ مداها

ولا ناشها السباح بجسمٍ ولايد

واعذب من الشهد المصفى حلاها

إلى صفحة فيها المعاني تجدد

نرسل حلول اللغز للي بغاها

بحور الشعر عند الفهيمين توجد

من غاصها بفكار عقله لقاها

اللي نشد يلفاه رد ورا رد

واصدق تحايا مرسلات وراها

هذي بحور الشعر معدودة عد

واحد مطبقها وواحد قراها

امثالها متشعبة مالها حد

وتموج باللي ما يثبت خطاها

عبر الجزيرة نبتدي نكتب الرد

على اللغوز اللي عميق معناها

ولغز السناني كان عنه يتنشد

نعطيه حله يوم فكري رماها

هذي بحور الشعر ما فيه منقد

ولا كل من دور لحله لقاها

يومي قربت اللغز قلت اكتب الرد

وابعث رسالة للسناني يراها

عبر التراث فيه له صافي الود

واجزم بحور الشعر هي من عناها

يا مرحباً بالصفحة اللي تجدد

وأهلا هلا بالشاعر اللي لفاها

صفحة تراث المجد والصدق والجد

فيها المعاني كل بيتٍ زهاها

هذي بحور الشعر يا طيب الجد

وهذي قواف ترفع اللي بناها

يا مرحبا واللغز خالٍ من النقد

يا شاعر بيوت لغزه بناها

وما أظن بحور الشعر ياضمن لها حد

ولو حرصت انك تصل منتهاها

صارت جريدتنا الجزيرة تفرّد

بفنها يشهد لها من قراها

فيها بحور الشعر لاهله موارد

واللي يبي غيره علومه لقاها

يا مرحبا بك عدّ ما الطير غرد

فوق الغصون اللي علت في سماها

عبر الجزيرة ياصل الحل بالرد

على البيوت للي فهم محتواها

والحل في بحورٍ ترى ما لها حد

بحور الشعر ما أحدٍ وصل منتهاها

شعر السناني كالخرز منه بي شد

في حكم سلك المفرده عن غثاها

بلغزه غرقت وابحرت شرد السرد

بحور القصايد تظهره من خفاها

بين مضامينه بحور لها ورد

عطشا القوافي تشربه من لغاها

العود الأزرق فاح مع ريحه الند

يازين ريحه يوم زعزع هواها

حي الله اللي جاب معناه من جد

على يحور الشعر يوضي سناها

مثل الندى لامر مع وجنه الورد

الصبح قبل الشمس يوضي سناها

ترحيب ما يحصى ولا هوب ينعد

على بحور الشعر تمشى خطاها

يا للي كتبت اللغز لك صادق الود

اهلا هلا بك عد ما امطر سماها

في صفحة تراث الجزيرة تنشد

الصفحة اللي دوم يجذب سناها

يا صاحبي يازين لغزك ولابد

يعرف بحور الشعر رجل قراها

شفت الجزيرة فالبلد مالها ند

تراثنا الماضي مزود غلاها

نشكر محررها على مضاعف الجهد

حتى طلع متميز مستواها

بحور الشعر فيها سليمة من النقد

تبضج متابعها ليامن قراها

يا مرحبا ترحيبةٍ ما لها حد

يا للي جزيلات المثايل بناها

اللغز في معناه ياطيب الجد

بحور الشعر يطرب لها من هواها

يا مرحبا في شاعرٍ يبذل الجهد

عد السحاب اللي مشى في سماها

اسمع كلامي يا فتى الجود والرد

بحر الشعر فيه الفخر والمباها

أحد يسخرها على الكيف والعد

وأحد عجز عنها ولا أنكر غلاها

هذي بحور الشعر ياباغي الرد

ترقى بالاحلام الجميلة سماها

يا مرحبا ترحيبة فيك ها القد

ترحيبة كبر البحور او سماها

واكثر من بيوت الشعر كيف تنعد

والا بحور الشعر ياحلو ماها

يا مرحبا بك يالسناني خذ الرد

ولاهل الوفاء والطيب منا رضاها

هذي بحور الشعر مابه تردد

يا صعبها ولا هو قريب مداها

يا مرحبا ترحيبة ما لها حد

باللي نظم بيتين واللي قراها

بحر الشعر فيها المعاني تجدد

غياهبا محدا لحق منتهاها

المسك والعنبر مع العود والند

وعطر الزهور اللي عذي شذاها

جميعها صوب السناني تورد

معها تحيات بمثله تباها

لابد من رد المراسيل لابد

حتى (بحور الشعر) نرفع لواها

مسكين يا اللي هاوي وضحة الخد

زعلانة ندمان يطلب رضاها

وانشد يراضيها ولا جاله الرد

وارهق (بحور الشعر) يرجي دواها

اللغز واضح للذكي واسمع الرد

وإلا الغبي ضايع ترا في عماها

هذا الصحيح وهذا والله هو الجد

ولغزك ورد بحر الشعر ما ضماها

لغز السناني يبي تفكير مع جد

وحله بحور الشعر ما احلى صداها

وسط المحافل كنها الزهر والورد

تكفون ياهل الشعر صونوا حلاها

أبدأ بذكر الله له الشكر والحمد

زكى نفوس المؤمنين وهداها

جانا السناني يبني اللغز ويهد

هو مادرى انه وسط بحر ومداها

الشعر له ميزان بالفعل واليد

وسبعة بحور كم لنا في بناها

الحل واضح ماحصل لي تردد

وهي بحور الشعر ما به عداها

ضمن السناني اليوم باللغز ينشد

عن البحور اللي بعيدا مداها

ولا ناشها السباح واحلى من الشهد

هذي ابحور الشعر ياللي بغاها

أمر الحميدي ياجماعة على الهد

حيثه بحور الشعر يسبح بماها

وانا نظامي بالنظام اتقيد

وناس تخالف كيف يغفر خطاها

يا مرحبا ترحيب مني بلاحد

فالصفحة اللي فاح منها شذاها

هذي بحور الشعر ياطيب الجد

ولاكل شاعر في قصيدة لقاها

قال الذي لا قال قوله يجي جد

وعسر المعاني مايطارد وراها

بحر القوافي مورداً خوش مورد

وإذا وردناها قضى كل ماها

يالسناني طيب الاصل والجد

لغزك فريد والمعاني حواها

عندي مراكب هند تحمل لك الرد

على بحور الشعر موجه علاها

ضمن السناني جاب لغز محدد

ساق المعاني والدرر محتواها

شعر العرب ابحورها صار مقصد

والظن ضمن اليوم لغزه عناها

أهلا هلا بك يالسناني بلا عد

واللي عنيت ابحور ماشيف ماها

قول العرب يوزن بها وزن ويعد

شعر ايلا جت القوافي معاها

يوم تركني صاحبي باهي الخد

حسيت روحي يوم اقفى خذاها

ابحرت انا وياه في مركب الود

في وسط موج ابحور الشعر ماها

عبر الجزيرة نكتب الشعر بالمد

والحل جاكم يالسناني سناها

هذي بحور الشعر بحراً مجمد

ماكل من طبه وصل منتهاها

يا مرحبا ياطيب الخال والجد

بالصاحب اللي قالها واحتماها

ترى بحور الشعر ماهيب تنعد

ماهيب سلعة من بغاها شراها

والله ما عندي خبر لو أبا أعد

عن البحر واللي سكن وسط ماها

ولغز السناني بالجزيرة مورد

من شاعرا كمل جميع امعناها

والحل لو هو خافيا غير يوجد

بحراً من اشعاراً طويلاً مداها

الشعر ما يورث عن الاب والجد

والموهبة من رب الارض وسماها

بحور شعر ذاقها محمد أحمد

وغيره من الشعار قد ذاق ماها

هموم المولع ياضمن مالها حد

تسهر عيونه بالدجا من شقاها

هذي بحور الشعر معروفة العد

ما كل من يبغى القصايد بناها

بين القصيد وبين بعض العرب سد

هذي مواهب والله اللي عطاها

اللغز واضح نعرف المزح والجد

والناس تعرف صبحها من مساها

هذي بحور الشعر دايم تردد

مازان منها غالي مشتراها

يا مرحبا ترحيبة ما لها حد

باللي حكم زين البيوت وبناها

ترى بحور الشعر احلى من الشهد

اليا صاغها مثلك ومثلي قراها

الهزل ياشينه وياما اطيب الجد

والجد بالصفحة وهي به تباها

والحل جابه خالدي العم والجد

وهي بحور الشعر كانك تباها

القاف ماله لاقياسا ولا حدّ

ولا كل من دور ذهيبه لقاها

ولغز السناني له نظاما موحد

حله بحور الشعر للي بغاها

ضمن السناني جاب قافه على الاد

ينشر عن بحورٍ بعيدٍ مداها

بحور الشعر مفهومة العمق والعد

سبحت بأفكاري بها وبصداها

عبر الجزيرة ريحة الهيل والند

نرسل حلول اللغز للي عطاها

يابن السناني لغزك اوضح من الشهد

ترى بحور الشعر صعب مداها

لغزٍ لفانا بالجزيرة وله حد

اسبوع لازم من عرفله نصاها

هذي بحور الشعر فيها نتودد

من دشها لابد ذايق حلاها

يابن السناني جاكم الحل مرتد

عبر الجزيرة يوم رشرش سماها

تنقل بحور الشعر واللي,, تجدد

وكل العلوم اتجيبها محتواها

الحل بحورٍ للخليل ابن أحمد

يازن بها الأشعار للي نصاها

يا مرحبا باللي وضع لغز مشتد

بين القوافي والمعاني بداها

عبر التراث ارسل جوابي مع الرد

خذ حلها ياصاحبي مع نداها

الحل بحر الشعر والشعر ممتد

غصت البحور اللي بعيدٍ مداها