ياللي سألتي منهو عشق الاشعار

قصايدي تشرح لك اللي تبينه

ماني معارض قاربٍ وسط تيار

دربي طويل ومقصدي تجهلينه

يا عاشقة بحر الهوى مد الانظار

تراه تيارٍ طويله سنينه

في وقفتي للطيب ما نيب محتار

الطيبة كلٍ يبيها رهينه

لكن حدتني مع الوقت الاقدار

سود الليالي كل طيب تهينه

بحار عاشق بس ما هوب مختار

هايم وتايه في شراع السفينه

ضاق الزمان وضيق الصدر الاسرار

حلّي عن اللي كف عنك يدينه