بصمت الليل انا اتغرب عسى قلبي يجي قلبك

عسى قلبك يحن,, يركض,, يعود لاحلى ماضينا

الا ياسيدي وينك؟ نسيت اليوم من حبك

دفنت الذكرى بيدينك ,, بصحراء ما لها مينا

سمحت لهاجسي يلعب ,, وحتى يوم اناجنبك

وعمرك ما وضعت الحد,, وصمتك كم لعب فينا

عذايب شوفها,, ايامي,, وليلي كام توصف بك

الا يا مصدر احزاني,, جروحك ما تعنينا

مشيت بليل وحداني عسى دربي يجي دربك

عساك,, اتحن,, تتألم,, تحس بنار تكوينا

ولكن للاسف وشلون؟ غريبه ما خفي لبك

اساسك كذب,, دايم فيه تولعنا وتطفينا

كفاية صدك الغالي هواه الليل يلعب بك

وترى ها الليل مهما طال بعد صبحه يضوّينا

نسجتك حلم بافكاري,, عساني حيل ما احبك

ومنين اجيبه احساسك واعرف انك تحس فينا