حبيبي طالت الغيبه وبعدك ما تحملته

ثمان اشهور يا المجمول اجاهد لوعة الفرقا

صبرت ولا نفع صبري غيابك حيل طولته

عليك اليوم يا الغالي اجاوب نايح الورقا

سرابي هاجس الذكرى وقلبي معك غربلته

الا ياليتك تشوف العيون ابدمعها غرقا

تعال اشكيلك اهمومي شغلت البال واشغلته

حنين الشوق حيرني شجون القلب بي حرقا

انا مخلص لك النيه وحبي لو تأملته

على وضح النقا يانور عيني ما حصل سرقا

يضيع الزين مع زينك وقدرك فوق منزلته

حشا محدن يشابه لك ابد غرب ولا شرقا

جهلت الغير لعيونك بعد عمري تجاهلته

على عهدك على وعدك مدام ان السما زرقا