أنا العليل اللي من الهم قاسيت

وأنا حزين ودنيتي ماصفتلي

مليت من ضيم الليالي وعانيت

سود الليالي ياحبيبي ضوتلي

هماً عليه طال من عقب صديت

والعين تشكي بالدموع إذرفتلي

عديت في راس الطويله وناديت

ولجت ضلوعي من عذابي بكتلي

ياليت خلي يسمع الصوت ياليت

عساه يرحم حالتي يلتفتلي

بكيت من فرقاك يازين وابكيت

كل القلوب القاسيات إصخفتلي

ذقت العنا باسباب صدك تعنيت

ليت الليالي بالشقا مانوتلي