يا بايعٍ عشرة حبيب يراعيك
يا ضايعٍ بين الوهم والحقيقة
مسكين هذي دنيتك حيل تغريك
عدوة لك وتحسبها صديقه
يوم قلت لي يا بنت مالي انافيك
راجع جوابك قبل يوصل غريقه
غرقانةٍ في بحر حبك تناجيك
تبغي المواصل منك باسمى طريقه
لكن خساره اليوم ضاع الامل فيك
لانك عديم الذات مالك رفيقه
ما فيه غيري عن همومك تسليك
ولا ابتعد عنك ولو هي دقيقة
خلاص انا من اليوم ما اجيب طاريك
حتى لو انك شاب جوفي حريقه
اصبر على ها الحال والله يجازيك
وهديتي لك اصغر دعاوي رقيقه
جعلي شوف اللي تحبه وتخليك
واتمتع بمنظر دموعٍ دفيقه
واخذك في كلمة وكلمة اخليك
وابتهلك بين الوهم والحقيقة
