خلو الليل, لا هل الليل, يرخي سدوله

لين تبكي القصايد من فراق الولايف

خلو الليل,, كل الليل,, عرضه وطوله

كود يركد فواد من هوى الزين خايف

ما نسيته لا والله ما تناسيت قوله

يوم حل الفراق وقال ويش انت شايف

قلت لو يجمعون جيوش عشرين دوله

ما تزعزع غلاك ولو زهمنا الطوايف

لا بتي في اللقا تشيل جمع وتزوله

أربعين السنه حرب غدى يوم هايف

قال: وان طالت الفرقا ونفسك عجوله

قلت: عشرين عام ما شكينا الكلايف

قال: لا رحم حيك خذ فوادي عموله

أنت عايف وقلبي من هوى الناس عايف

قلت: قلبك قبل تعطيه, جاني رسوله

من عيون على قلبي تسل الرهايف

كن فيها صواريخ الخليج محموله

يوم حدوا أعدائهم وسط جرف مهايف

وأعشق الليل لو يرسل علينا خيوله

وما غدى من حياتي ما عليها حسايف