ترا المعاصي تعزل الرجل وتهينه
تثر على صحته نقص على ماله
جرثومة الشر تمشي مع شرايينه
وتشوه الوجه وتقفي على حاله
يمشي بجو خلا يهمل وراعينه
ضايع وقانع هديم البيت بفعاله
وليا نصحته اتزوله شياطينه
انك عدوه على باله يوراله
والظاهر انه غزا والغرب غازينه
يستعمل اللي من الخارج يسوى له
ومصيبته يوم ما حافظ على دينه
يتبع هوى النفس والشيطان يبراله
يركض ورا شلةٍ مثله مغوينه
وكل على ما فعل قدامه اعماله
ويا مدين الدين ياللي ترقب الدينه
تحسب ليال الشهر وتغير بهلاله
تراك مطلوب ياللي تطلب الدينه
لا واعذابك من المديون ورياله
لازم تعاين يسار الخط ويمينه
قدمك كباري وخطك فيه محواله
العمر مقفي ومقبلة سكاكينه
لو طقال نبته هبوب الريح تشتاله
والجو لو زان لك يومين يا شينه
عينت جدك وجد ابوك وعياله
افزع لعمرك وتالي باقي اسنينه
انقذ حياتك ترى اللذات رحاله
وسلام عداد ما هلت ودادينه
على نبي بعث للخلق برساله
