من شانها يحرم علي حنيةَ الراس
لابو محبه عزتي هي ثمنها
ما ينحني راسي سوى لخالق الناس
اللي خلق روحي ويعرف زمنها
يا حانياً رأسه لأجل زين الاجناس
الرجل له قيمه تنازلت عنها
الرجل دايم ميزته قوة الباس
لو عاندت دنياه شام ولعنها
وشلون يستسلم لأجل لحظة احساس
يخضع براسه يطلب العفو منها
لا باس يا بعض الرياجيل لا باس
رجولته لعيون خله دفنها
كرامته لاجل ادعج العين تنداس
اخير موته لو بعقله وزنها
يا مضحي بقيمتك يا طابخ الفاس
مهما تضحي سرع ما اقفى ظعنها
لا تحسبنك نلت برضايها الكاس
تقصير يوم اتصير كنك كفنها
وتقول انا من عشرتك ذقت الاتعاس
وتطلبك من فضلك ولطفك رسنها
