أحب اقدم على بيت القصيدة والشرود اهواه

مااحب ابيات شعر ما تحرك قلب سامعها

اغوص البحر وابحث للدرر في جمته واقصاه

واجمعها ونظّمها على كيفي واراجعها

واقدمها هدية رائعة والرائعة مهداه

الى سلطان بن عبدالعزيز اهدي روائعها

يا حلو الشعر لا من قيل في سلطان يامحلاه

بيوت الشعر تتباهى من اسمه في مطالعها

هلا يا مرحبا ترحيب مخلص يارفيع الجاه

تراحيب اثنيها واثولثها واروبعها

هلا بك يا الامير ابن الملك ياللي على لقياه

فرحنا وابتهجنا معه والفرحة نوزعها

يرحب بك محمد بن سعود وفيصل وخوياه

ومنطقة جميلة غطت الزينه شوارعها

واهل الباحة وبلجرشي واللي في المخواة

وقلوه من ربوع قريش واللي من توابعها

وسكان العقيق مع اهل المندق وكل ارجاه

ترحب في قدومك وانت بقدومك تشجعها

هلا يا مرحبا باسم الجنوب وساكنين قراه

وبدوه والحضر والتهم وانسام يذعذعها

وابن زومه يرحب هو وربعه واسرته وابناه

بسلطان الكرم والخير في دارة ومربعها

نعم سلطان بن عبدالعزيز الخير من يمناه

مثيل الغيث يسقي ديرة جفت منابعها

عسى عمره طويل وقصر الله عمر من يعداه

ولا شيء يكدر صفو عيشته او يزعزعها

وحنا جند ابو فيصل فهد وارواحنا تفداه

مليك لعتزى رد الطماعة عن مطامعها

عطيناه الولاء ثم لولي العهد عبدالله

ولك منا الولاء ونجدد البيعة نبايعها

وعذرا لو حصل تقصير مني يا رفيع الجاه

بيوت الشعر ما توفيك حقك مهما اطوعها