عبر الجريدة هزني منتخيبي

ثور بصدري فزعة تطلب الثار

ثم انتهضت وقلت له مستجيبي

وابشر بعزك يالخوي سم واختار

اهلا هلابك والطلب لك طبيبي

وضح لي الخافي وابي اعطيك الاشوار

انت الذي بالشور دايم تصيبي

وانت الذي ما جيه بغياب واعذار

بس الهدف من ردتي لك مجيبي

والله ما قفي عنك يا نسل الاحرار

يابو طلال اوجس بصدري لهيبي

اهل النمائم ولعوا داخلي نار

من قبل ما شكي وجرحي عطيبي

بأول شبابي كاتب عنهم اقرار

والنذل لو طول فلاله مغيبي

يا سرع مطياحه ولو بالسما طار

ولا النذل فعلا يسمى غريبي

كل النواقص والردى عنده صغار

ما قلت معروف ولا فيه ريبي

كنك توصفلي على بعض ما صار

كم مسلم خلوه دين الصليبي

وكم كافرا حطوه بالمسجد جهار

وكم من ستير قال شقيت جيبي

وكم من سفيه صار بالحكي مغوار

واجد وفيه اكثر ولا من عجيبي

هذي تصاريف الزمن والفلك دار

هذا الدهر بين صوابي وشيبي

يالله بحسن الخاتمة والزمن جار

طالبك يا مولاي بيّن نحيبي

تفكها يا عالم كل الاسرار