أتذكر من مضار بها (ثمان)

طعنتين وطعنتين وطعنتين

أصبح حساب الطعون اللي زمان

(ست) طعنات بعددهن يا فطين

كلي شقا كلي امل كلي أسرار

كلي غموض وصار هذا شعاري

ياللي تكرر (كلي) لعدة مرار

كم (كل) لك دامك بمعناك داري

والله يلولا قولة ايوب مجنون

لقول قول ماطرى للمجانين

يا بو فهد لا يهمك اللي يقولون

هم قصدهم ما يطري الا لصاحين

جاورت عقب الحدايق حفرةٍ ما أقسى لحدها

حفرة ماني مصدق كيف ضمت يا سمينه

دام هالدنيا بيد ربك نهايتها وعدها

يلزم المؤمن يصدق في طريق سالكينه

ضحكة وحاجة ثانية تشبه الآه

منها الزعل ما عاد ياخذ ثواني

لو تترك التلميح والا تحاشاه

صغت الجديد من الشعر والمعاني

حبيبي ما بقى تحت الرماد الامكان النار

وانا اللي ما بقى لي من حياتي غير دخاني

كبيرة غلطتك يالشاعر اللي من رجال كبار

تقول (انا طفت ناري) بمعنى شطرك الثاني