أنا أشهد ان المراجل يمه سبقته

ما دورت وش عطاها قبل تنصاله

خاوت مقامه وصاحبته مع طرقته

حتى تجرا على ميقافه لحاله

ياما تسامحت عن عوجاه وطفقته

واعطيه كبدي الي قلدني عقاله

واقف بجنبه ولا في خاطري عقته

ادراه كني وصيه واصغر عياله

من يوم جاني وانا بلشان بحرقته

كلي تجمعت كتلة صدق تبراله

ما كانت اظنه ردي يتبع سلقته

يبيع حظه رخيص لكل من جاله

حتى غدت به دروب الهرج وفرقته

عني وشفته عقبني يطرق جلاله

واقفيت اردد ذلف عوذه من علقته

لا جابه الله عساه يكرم دلاله