كم ليلة بهمومها ماتعدت

حدتني ارقى كل عسر ورقيته

كم جابت هموم ولا هيب ودّت

ما ضاق به صدري من اللي خذيته

حطت مضاربها الين استبدت

ما همها لو همها ما قويته

وكم ليلة ما روّحت لين قدّت

ثوب السهر اللي تعبت ورفيته

خيم سهرها بالعيون وتردت

ما تدري ان العين ما هيب بيته

ما روحت والله لين استهدت

كل الجروح اللي لها سنين ميته

وكم ليلة داريتها ما استودّت

ما فيه منها ثلث الا رجيته

قلت الطعون اللي مضت منك سدت

لا تذكريني كل جرح نسيته

قالت تعبت وقلت كم يوم مدت

حبال النجاه يدينها ما خذيته

هديت حيلي وان تصبرت هدت

صبّر على هم الليالي بنيته