ياسعود قم هات الدلال المهانيف

في ليلة ناخذ سهرها قطوعه

احمس وكيفها ترى طاب لي كيف

واستدن مزعل ياشفاتي وصوعه

الى تهيض بالعوا والزعانيف

يشدي عوى ذيبٍ شكا حر جوعه

يشدي عوى ذيبٍ بروس المشانيف

حاديه حادي والهبايب تلوعه

حتىيجيب مسيّر البيت والضيف

مثل العقيد اللي تلافت جموعه

مخصوص الى صار الجماعة مواليف

ماركز الشيطان معهم بكوعه

يازين سجتهم وزين السواليف

ما دوروا واحد بالاخر طموعه

والى احدث الجهال بعض التخاليف

استدركوها قبل تكثر فزوعه

تلقى لهم سمعه وهيبه وتصريف

وكلٍ يجي فعله على قد نوعه