غريبة حال هالدنيا عجيبة مالها عنوان

تحيّر كل من فكّر بحاضرها وماضيها

جميع أحوالها متقلبة مع دورة الأزمان

تغّر النفس في كذبة هنا صافي لياليها

فرحها مثل قنديل طفا من نفحة الأحزان

تعاند من يعاندها وتخدع من يواليها

اصارع موج قسوتها وأنا في بحرها غرقان

أحاول لكن الراحة صعيب أوصل موانيها

بخيل الحظ لازمني معي في أغلب الأحيان

وكاس العمر ممزوجه يفوق المرّ حاليها

عجيبه حال هالدنيا تقول ان الصبر سلوان

غريبه حال هالدنيا غرابتها فخوافيها

خلقها ربنا الخلاّق سبحانه عظيم الشان

وهي لبن آدم دروس وعظه حتى بلاويها