مرّ بخيالي خافق الود صافي

ورديت من بعدك معاني جديدة

زاد اقتناعي والهوى قال كافي

ما عاد ينفع لو كلامك نعيده

اليوم بعده طرف الأشواق غافي

والخاطر اللي يفقده يستعيده

باصدق حروف الحب من قلب وافي

يقصر مدى كل الوصوف البعيده

تظهر معاني عقب ما هي خوافي

وتطاوع أبيات من أول عنيده

ما أظن قلب يشعل الشوق طافي

والعمر من صدق الهوى يستزيده

وش عاد حب ما خفى عنه خافي

والشعر لو يسترجعه وش يفيده

لو كان وصل آمالنا ما يجافي

كلٍ يحقق في الهوى ما يريده