يالله ياللي في يديك العلاجي
عجل علاج اللي من العام ما قام
يالله ياللي ماش غيرك ملاجي
طالبك يارب الفقارا والايتام
يالله تجعل له مصد وخراجي
عن جور صكات الليالي ولايام
فك انحراجه بالوالي وانحراجي
يا مثبتن ساس الشريعة والاسلام
يالله لا تقطع رجا منك راجي
اللي قضا وقته هواجيس واوهام
ماله مع العربان شف ومزاجي
دايم على جوه غثا بير وطتام
جو البشر صافي وجوه عجاجي
توميبه اللوعات والقلب مهمام
قد شاف في اليام حلو وهماجي
من حرمونس قد عضيت الابهام
متى على الله ثم يزيد انبهاجي
ويرتاح جفنا طول الايام مانام
علم السعد دايم يجيك اندراجي
والله وبذن الله ليمشي بالقدام
والله ليبعد عن طبيب المساجي
ان قالها ربي لودعك يا هشام
يا هني منهو في وساع الفجاجي
ما شاف دكتور الجراحه والورام
ما قولها رغبه وضحكت حجاجي
ولا قولها من شان نشر فلعلام
الوصار قلبي مثل حطم الزجاجي
محد بلا يمني ولاني بملام
الطبعة الاولى