الله يا نور,, غشى عيني ضياه

زين سما,, دنياي,, يومه غشاني

كان بخيالي حلم يابعد لقياه

مدري تحقق أو خدعني زماني

يا ما رسمته حرف ,, اكتبه واقراه

ياما هقيته شط لاحلى مواني

في جيته أشواق قلبي تعداه

يسكنه شوقي,, قبل اترك مكاني

يشعل خفوقي حب,, يدفى من دفاه

يمطر حنانه,, في لواهب حناني

للصبح شمسه لاسود الليل قمراه

نوره كفى هالكون,, نور,, وكفاني

يضحك زماني,, لابدت بسمة شفاه

لو ضاق صدره,, بي تضيق المحاني

صوته لحن,, شاله خفوقي,, وغناه

الله يا صوته يزلزل كياني

لا هام فكري,, صار دربه,, ومسراه

ولا لاح شعري,, أدري انه دعاني

ولاجف حبري صار للحرف مسقاه

ولو غاب قافي قال اكتب عشاني

لي تشتكي ,, أبيات شعري حلاياه

تقول ما قوى الوصف زينه قواني

مدري حياتي,, وش هي والله لولاه

مدري ولكن صار لي عمر ثاني