واثقه رغم الظروف اللي تحطم في كياني

شامخة مثل الجبل في وجه صلفات العواصف

مثمرة مثل النخيل ودافية مثل الاماني

في يدي ينبوع للرحمة وفي الاخرى قواصف

موجعة مثل الجروح وناعمة مثل التهاني

طبعي احساسي شعوري يجعله كاتب وواصف

واضحة مثل النجوم وغامضة مثل المعاني

غيمةٍ يسبق مطرها طقس متقلب وعاصف

بحر يتفجر عطا ما تحجزه كل المواني

اشبه البحر بعطاه وغيرها يوجد عواصف

بس حبي كل حبي مع عطاي ومع حناني

كلها لانسان واحد نقتسمها بالتناصف

منزله وحده هناك يقيم من بين المعاني

ما تغيّر منزله كل الزوابع والعواصف

الواثقة