فرحة دبي وفرحة المجد والناس

تصورت يا مجدها في عيونك

للدار نوماسٍ وللشيخ نوماس

وبدبي ملنيّم تحقق ظنونك

مبروك يا دبي البطولات بالكاس

والله يصون اللي بمجده يصونك

اسمٍ على مسمى من الراس للساس

ترشيحك الماثوق بالعِرف عونك

متميزٍ بالطيب مع قوة الباس

فارس ودقة خبرتك ما تخونك

للخيل وأهل الخيل قدوة ونبراس

بالعِرف والمعروف ما يجهلونك

انتاجك اللي باللزز يرفع الراس

ترشيح غيرك حصنهم طاح دونك

هذا الصحيح انك بعد مالك اجناس

خليت عشاق الوفا يتبعونك