ما بقا فالقلب موقع للجروح
كل جرح في فؤادي مابرى
والله ان الروح خطر لا تروح
من الهوى مجروح ما احد بي درى
ان شكيت الحال يحسبها مزوح
وان سكت الحال قاضي وانبرى
كل نظره فيه تأخذني واروح
في هجوسي وشن نوابي ياترى
ما عاطاني فرصة أشكي له وابوح
وان كتبت الام قلبي ما قرى
وان نثرت الدمع في خدي سفوح
صد عني من غروره ثم سرى
ما لقيت البارق الي لي يلوح
لين اوضح من على الثاني افترى
سايق نفسي على الفرصة شفوح
مثل سوق القطر لخدود الثرى
جيت أبشكي ما بقا بالروح روح
كل يوم وحالتي ترجع ورى
وكان خلي فالهوى طبعه شحوح
رحمة الله واسعة وامره جرى
