لا يا سبايب غربتي مليت من كثر الكلام
أنا إنكسرت إبعزتي وأنتي السبب في كسرتي
لا عاده الله قرب قربك ما يجيب إلا الملام
ياليت ربي ما خلقك بدنيتي يا عثرتي
قضيت بعد اللي حصل حزني على صدري وسام
وحلفت دامك عايشة معاد أجيها ديرتي
أبنتحر في صمت ولا أعيش وسط الزحام
الغربة أرحم ولا أجلس وأموت بحسرتي
لامن طريتي لي تصير الدنيا بعيني ظلام
وارسمك واحرق صورتك من شان أبرّد حرتي
بقول لك موال هو مسك الختام
موال يجرح مسمعك ويذكرك في هجرتي
الحب معك أنتي وهم والشعر في مثلك حرام
يامن تسببتي علىٍ أرحل وفارق اسرتي
أقسم بعزة خالقي وبحرمة البيت الحرام
لو تاكلي نفسك ندم ما ردلك من سفرتي
