| تراث الجزيرة
أعلى المراتب في حياتي تراها
لا قالوا الاخوان مذكور بالخير
عقب رضى المولى حريضا علاها
خي مكسبي هي راس مالي مع الغير
اخوة دوم يتزايد غلاها
اخيرا من جمع الذهب والدنانير
سبعة سنين روحت من حلاها
مع الرجال اهل الوجيه المسافير
ماكنها الا ليلة مع ضحاها
راحت كما نو مزونه مزابير
تجمعت في شوى ونهل ماها
وتفرقت بأمره وصارت مناثير
الارض بسبابه بهاها كساها
ريح الخزاما والنفل صار تعبير
عشنا مع رجال صعيب جزاها
واللي قصير حبال ما يارد البير
اهل القصيم اللي يفرح نباها
اهل القرى واللي تسوق المظاهير
مني تحية ريحها في شذاها
انوج من العنبر وريح الغنادير
الود والتقدير مني يغشاها
عداد ما في الارض جهم ومغاتير
وعداد ما دن الرعد في سماها
وعداد ما غرد على الغصن من طير
وختامها نفسي كثير خطاها
ابغا العذر لا صار في الامر تقصير
والعين بحر والستر هو غطاها
كل على اللي واجهه يطوي السير
حامد بن حماد الغريبي النمري
|
|
|
|
|
