ودعتها ودموع عيني ذرايف

في موقف كل المشاعر بكتها

قالت,, مسافر؟ ما هوب كايف

لاكنها ظروف الزمن واكتبتها

قالت متى ويكون يوم النكايف

وارخت نظرها والدموع اذرفتها

وماتت فمان الله بين الشفايف

وتكسرت عبراتها ما انطقتها

وشاحت بوجه لاسود الحزن شايف

ملامحه لون الخدود جرحتها

نار المشاعر تشتعل والكلايف

يوم الدقايق مسرعة بعجلتها

وأقفيت منها قاضي الصبر خايف

اخاف روحي من الضلوع إنزعتها

أقفيت عنها من كثير الحسايف

وخطوات رجلي وقفت مامشتها

ياشينها يا ناس فرقى الولايف

كيسان حزن فالنفوس ارتوتها