تفكروا ياهل القلوب الفهامي
في مبتدأ خلق الاوادم وتاليه
ينشأ ضعيف لين حل الفطامي
ثم قام ينشأ في حلاوة مشاهيه
وليا تم له عشرةوخمس تمامي
تبدلت حاله وكثرت مناويه
العمر له غاية وذروة سنامي
عشر وعشرين وعشر حلاويه
اليا تم للرجال ستين عامي
قام الجهد ينقص وكثرت مشاكيه
وان تم سبعين وعشرة اعوامي
زهد به اللي بأول الوقت يغلبه
عود اليا منه قعد ثم قامي
قام ايتصودع واخطت الدرب رجليه
يبس الظهر ثم سلبن العظامي
واعلى كتوفه ما يحكنه ايديه
وان زاد عشر حياته عدامي
شاف المحاقر من عياله وادانيه
حياتنا ما غير مثل الحلامي
لو طال عمرك لازم الوقت يدنيه
ثم ترتحل للدار دار المقامي
دار بها الرحمن كل يجازيه
