جمر الزعل بيننا يا صاحبي طفه
متى اشوفه رماد وتقفي احزاني
متى زمان العذاب يمد لي كفه
متى تجيني وتطفي لاهب اشجاني
متى وعطر المواصل حابسه رفه
تعبت ادور على ورد وريحاني
قلبي مقابلك يا حلو النبا,, شفه
ابتسلى بقربك والعمر فاني
انت النهر للعيون البور والظفة
ما ينبت الشوف فيها غيرك انساني
لونك بكفه وكل الناس في كفه
رجحت فيهم وهذا حكم ميزاني
لو تتعب الرجل في هالكون وتلفه
ماظن تلقى شبيهي واحد ثاني
اعطيك حبي جبل واقول يا خفه
وتعطين قطره واقول اتعبت خلاني
يا مطفف الكيل كيلي طالبك وفه
انا بشر واشتكي يا زين وأعاني
لا تنخدع في كلام عاذلي صفه
حكم بعقلك كلام افلان وافلاني
